ພິທີສະເຫຼີມສະຫຼອງວັນສະຖາປະນາ ສປປ ລາວ ຄົບ ຮອບ 50 ປີ ( 2 ທັນວາ 1975-2 ທັນວາ 2025 ) ໄດ້ມີຂຶ້ນໃນຕອນເຊົ້າວັນທີ 2 ທັນວາ 2025 ທີ່ສະໜາມຫຼວງ, ໂດຍໃຫ້ກຽດເຂົ້າຮ່ວມ ແລະ ກ່າວສູນທອນພົດຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ, ມີບັນດາສະຫາຍການນໍາຂັ້ນສູງ, ອະດີດການນໍາພັກ-ລັດຂັ້ນສູງ, ສະຫາຍພະນັກງານປະຕິວັດອາວຸໂສ,ວິລະຊົນແຫ່ງຊາດ, ນັກຮົບແຂ່ງຂັນ,ແຂກທີີ່ມີກຽດທັງພາຍໃນ ແລະ ຕ່າງປະ ເທດ,ເອກອັກຄະລັດຖະທູດ ແລະ ຜູ້ຕາງໜ້າອົງການຈັດ ຕັ້ງສາກົນ ປະຈໍາ ສປປ ລາວ,ນາຍ ແລະ ພົນທະຫານ,ນາຍ ແລະ ພົນຕໍາຫຼວດ, ພ້ອມດ້ວຍພໍ່ແມ່ປະຊາຊົນ ເຂົ້າຮ່ວມຢ່າງຫຼວງຫຼາຍ.

ໃນພິທີ, ສະຫາຍ ທອງລຸນ ສີສຸລິດ ໄດ້ກ່າວສູນທອດພົດ ເນື່ອງໃນໂອກາດສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ,ໂດຍມີເນື້ອໃນບາງຕອນສຳຄັນວ່າ: ກ່ອນໜ້ານີ້ 50 ປີ ນະສະຖານທີ່ນີ້ ໄດ້ເປັນບ່ອນເຕົ້າ ໂຮມກ້ອນກໍາລັງອັນມະຫຶມາ ຂອງນັກປະຕິວັດ ແລະ ປະ ຊາຊົນລາວຜູ້ຮັກຊາດ ເພື່ອຢຶດອໍານາດການປົກຄອງ ຢູ່ນະ ຄອນຫຼວງວຽງຈັນ, ອັນນໍາໄປສູ່ກອງປະຊຸມໃຫຍ່ຜູ້ແທນປະຊາຊົນທົ່ວປະເທດ ເພື່ອປະກາດລົບລ້າງລະບອບລ່າເມືອງຂຶ້ນ ແລະ ສັກດິນາ,ຂຸນເສິກ ຢ່າງສິ້ນເຊີງ, ສະຖາປະ ນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ຈາກເຫດ ການປະຫວັດສາດອັນຍິ່ງໃຫຍ່ຄັ້ງນີ້ “ໄດ້ເຮັດໃຫ້ຊະຕາກໍາ ຂອງຊາດ ແລະ ສັງຄົມ,ປະເທດເຮົາ ປ່ຽນແປງຢ່າງເລິກເຊິ່ງ ແລະ ໄດ້ໄຂສັງກາດໃໝ່ ແຫ່ງການກໍ່ສ້າງປິຕຸພູມລາວ ທີ່ແສນຮັກ ແລະ ຫວງແຫນ ຂອງພວກເຮົາ ໃຫ້ກ້າວເດີນໄປຢ່າງວ່ອງໄວ ແລະ ເຂັ້ມແຂງຕາມເສັ້ນທາງເອກະລາດ,ເປັນ ເຈົ້າຕົນເອງ,ເອກະພາບ ແລະ ວັດທະນະຖາວອນ,ຮັບປະ ກັນໃຫ້ປະຊາຊົນລາວບັນດາເຜົ່າ ໄດ້ດໍາລົງຊີວິດຢູ່ຢ່າງອິ່ມໜໍາສໍາລານ, ມີອິດສະຫຼະພາບ ແລະ ມີຄວາມຜາສຸກ ຕະ ຫຼອດກາລະນານ.

ຕະຫຼອດຍ່ານທາງ 50 ປີ ແຫ່ງພາລະກິດປົກປັກຮັກສາ ແລະ ພັດທະນາປະເທດຊາດ,ສປປ ລາວ ໄດ້ກ້າວເດີນຜ່ານຜ່າອຸປະສັກ, ຄວາມຫຍຸ້ງຍາກ, ສິ່ງທ້າທາຍທົດສອບ ແລະ ການມ້າງ ເພທໍາລາຍທຸກຮູບແບບ ຕໍ່ລະບອບໃໝ່. ພວກເຮົາ ຮັກສາໄວ້ຢ່າງໜັກແໜ້ນ ເຊິ່ງໝາກຜົນຂອງການປະຕິ ວັດ ທີ່ແລກໄດ້ມາ ດ້ວຍຢາດເລືອດ, ຊີວິດ ແລະ ການເສຍສະຫຼະ ບໍ່ຈັກວ່າເທົ່າໃດຂອງນັກປະຕິວັດ,ພະນັກງານ,ນັກ ຮົບ ແລະ ປະຊາຊົນລາວຜູ້ຮັກຊາດ ພາຍໃຕ້ການນໍາພາອັນຖືກຕ້ອງ ສ່ອງໃສ ຂອງພັກປະຊາຊົນປະຕິວັດລາວ. ພວກເຮົາ ໄດ້ຕັ້ງໜ້າ, ເດັດດ່ຽວ ແລະ ບາກບັ່ນສູ້ຊົນສູງສຸດ ເພື່ອສະແຫວງຫາເສັ້ນທາງກ້າວເດີນທີ່ຖືກຕ້ອງ,ສອດຄ່ອງກັບເງື່ອນໄຂ, ຈຸດພິເສດ ຂອງລາວ50 ປີຜ່ານໄປນັ້ນ ແມ່ນ 50 ປີ ແຫ່ງການສ້າງຕັ້ງ, ບູລະນະ ແລະ ພັດທະນາ ສປປ ລາວ ຢ່າງບໍ່ຢຸດຢັ້ງ, ຖືເປັນໝາກຜົນລວມຍອດ ຂອງຂະບວນວິວັດແຫ່ງການຕໍ່ສູ້ອັນດຸເດືອດ, ຂ້ຽວຂາດ, ລໍາບາກ ຍືດເຍື້ອຍາວນານ ທີ່ເຕັມໄປດ້ວຍນໍ້າໃຈຮັກຊາດອັນສູງສົ່ງ, ບໍ່ຍອມຈໍານົນ,ຄວາມຟົດຟື້ນປະຕິວັດ ແລະ ການເສຍສະຫຼະຂອງບັນພະບູຣຸດ ແລະ ວິຣະບູຣຸດ ຂອງຊາດລາວວິລະຊົນ ກໍຄື ການຊ່ວຍເຫຼືອອັນລໍ້າຄ່າ ຂອງປະເທດເພື່ອນມິດ, ພິເສດແມ່ນຄວາມສາມັກຄີ ແລະ ການຮ່ວມສໍາພັນສູ້ຮົບ ຂອງ 3 ຊາດອິນດູຈີນ ລາວ-ຫວຽດນາມ-ກໍາປູເຈຍ ອ້າຍນ້ອງ ຈົນສາມາດຍາດໄດ້ ໄຊຊະນະອັນຍິ່ງໃຫຍ່ ແລະ ສະຫງ່າງາມ ເຊິ່ງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ, ລູກຜູ້ປະເສີດ ຂອງປະຊາຊົນລາວ ບັນດາເຜົ່າ ໄດ້ໃຫ້ຂໍ້ສະ ຫຼຸບວ່າ: “ຕໍ່ສູ້ຍາວນານ,ມີໄຊຍິ່ງໃຫຍ່”.

ຕາໜ່າງກໍ່ສ້າງສີຂຽວ ແລະ ນັ່ງຮ້ານໄມ້ໄຜ່ ເຊິ່ງມັກໃຊ້ກັບອາຄານຕ່າງໆ ແມ່ນອົງປະກອບຫຼັກຂອງສະຖາປັດຕະຍະກຳພື້ນເມືອງຂອງຈີນ ແຕ່ໄດ້ຖືກສັ່ງໃຫ້ຍົກເລີກການນຳໃຊ້ໃນຮ່ອງກົງນັບຕັ້ງ ແຕ່ເດືອນມີນາເປັນຕົ້ນມາ ເພື່ອເຫດຜົນດ້ານຄວາມປອດໄພ.

ໃນພິທີ, ໄດ້ມີຂະບວນສວນສະໜາມກ້ອນກຳລັງຕ່າງໆ ຈຳນວນ 20 ກ້ອນກຳລັງ ຊຶ່ງເປັນຕົວແທນໃນທຸກຂົງເຂດວຽກງານ ແລະ ສັງຄົມ; ສຳລັບກ້ອນກຳລັງປ້ອງກັນຄວາມສະຫງົບ ປະມີ 6 ກ້ອນຄື: ກ້ອນທຸງຊາດ-ທຸງພັກ, ກ້ອນທຸງໄຊ ປກສ,ກ້ອນກຳລັງຕຳຫຼວດ,ກ້ອນກຳລັງປ້ອງກັນເຄື່ອນ ທີ່, ກ້ອນກຳລັງປ້ອງກັນສູນກາງ ແລະ ກ້ອນກໍາລັງຕໍາຫຼວດຈະລາຈອນຍິງ ລວມກຳລັງພົນ ທັງໝົດ 926 ສະຫາຍ ຍິງ 145 ສະຫາຍ ແລະ ກ້ອນຢືນກຳລັງ ປກສ ເຊິ່ງເປັນກຳລັງທີ່ມາຈາກກົມກອງ ອ້ອມຂ້າງ ທັງໝົດ 400 ສະຫາຍ ຍິງ 200 ສະຫາຍ.

ພາບຄວາມສະຫງົບ: