ຮູ້ຈັກກັບ Yulin: ປະຫວັດສາດຫຼາຍກວ່າ 4,000 ປີ ທີ່ນຳໄປສູ່ການຫັນປ່ຽນໄປສູ່ສູນກາງພະລັງງານທີ່ທັນສະໄໝໃນປະເທດຈີນ!

ເມືອງຢູລິນ ຕັ້ງຢູ່ລະຫວ່າງທົ່ງພຽງໂລສ໌ ແລະ ທະເລຊາຍມາວອູຊູ ທາງພາກເໜືອສຸດຂອງແຂວງຊານຊີ ປະເທດຈີນ ມີປະຫວັດສາດຍາວນານກວ່າ 4,000 ປີ ແລະ ມີຊື່ສຽງດ້ານສະຖານທີ່ທາງປະຫວັດສາດທີ່ສຳຄັນ ເຊັ່ນ: ຊາກຫັກພັງຊິເໝົາ ແລະ ຫໍສັງເກດການເຈີ້ນເປໄທ ເຊິ່ງສະທ້ອນໃຫ້ເຫັນເຖິງຄວາມຈະເລີນຮຸ່ງເຮືອງທາງວັດທະນະທຳໃນອະດີດ.
ເມືອງຢູລິນຍັງອຸດົມສົມບູນໄປດ້ວຍຊັບພະຍາກອນທຳມະຊາດ, ລວມທັງຖ່ານຫີນ ແລະ ອາຍແກັສທຳມະຊາດ, ເຮັດໃຫ້ມັນກາຍເປັນສູນກາງພະລັງງານທີ່ສຳຄັນຂອງຈີນ. ເມືອງດັ່ງກ່າວໄດ້ມີບົດບາດມາດົນແລ້ວໃນການຂັບເຄື່ອນເສດຖະກິດພະລັງງານຂອງປະເທດ ແລະ ເປັນຖານການຜະລິດຊັບພະຍາກອນທີ່ມີຄວາມສຳຄັນທາງຍຸດທະສາດ.
ນອກເໜືອໄປຈາກແຫຼ່ງພະລັງງານແບບດັ້ງເດີມ, ເມືອງຢູລິນໃຫ້ຄວາມສຳຄັນກັບການຫັນປ່ຽນໄປສູ່ພະລັງງານທີ່ສະອາດ ແລະ ການພັດທະນາສີຂຽວ, ໂດຍມີຈຸດປະສົງເພື່ອສ້າງຄວາມສົມດຸນລະຫວ່າງການນຳໃຊ້ຊັບພະຍາກອນ, ການປົກປ້ອງສິ່ງແວດລ້ອມ ແລະ ການເຕີບໂຕຂອງຕົວເມືອງ ເພື່ອຮັບປະກັນອະນາຄົດທີ່ຍືນຍົງກວ່າເກົ່າ.